نكت مغربية : (هي شد على كرشك راه تقدر تموت بالضحك)

*واحد مفحالوش تزوج واحد خايتي وبقى تيوكلها غير العدس حتى طلع ليها الدم ومشات غضبانة عند دارهم
قالت لهم هاد الراجل راه قتلني كل نهار العدس بزاف... مشى باها عندو قاليه: حنا عطيناك البنت باش تتهلى فيها وأنت قتلتيها بالعدس وهو يجيب ليه عقد الزواج
وقاليه: قرى شنو مكتوب هنا ؟
...
الأب قاليه :عقد نكاح،
الزوج قاليه: والعدس راه غير plaisir من عندي.

* الفتاة: نتا كتعجبني واش انا گنعجبك
-
-الولد: لا مكتعجبينيش
-
-
... ... ... الفتاة : انا كنبغيك ، واش نتا كتبغيني
-
-الولد : لا لا
-
-فغضبت الفتاة و ادارت وجهها و هي في قمة الاحباط
-
-فاقترب الولد منها و اخذ يهمس في اذنها قائلا: مسولتينيش واش كنموت عليك
-
فاندهشت و نضرت في عينيه وقالت له واش گتموت عليا
-
فقال الولد : لا لا لا .

* واحد شرا سلوقي يصيد بيه ولكن كيسمع صوت البارود كيخاف ويهرب السيد قال نديه لموسم التبوريدة يولف على صوت البارود مشا ربطو حدا شي مراوات واحد الوقت داه معاه يصيد غير السيد ضرب حجلة والكلب سمع الصوت هو يطلق تزغريدة.

* من طرائف العائلات المغربية
:
:
:
... •
•
•
•
كاتكون شي عائلة كتفرج فشي فيلم
كولشي كايبقا مقوس حتى تبان شي لقطة "قبلة" "bizou"
عاد كول واحد تايدير شي حاجا
الاخت:كاتبوس خاها صغير
الاب : كب كب واخا مكاين لا أتاي لا والو
الام:واش نحطو لعشا ولا مزال
الحاج: يالاه بان ليه انوض اصلي.

* هدا واحد المعلم ديما كينسا السنسلة ديال السروال محلولة. ديما التلاميذ هومة لي كيفكروه.ديما . ديما .واهد النهار كان غادي اجي المفتش. اهو اوصي الدراري. كاليهم ملين اكون المفتش.الا كنت ناسي السنسلة محلولة .كولو لية راه الادارة محلولة .
اوا صافي اسيدي جا المفتش .
ناظ المعلم لسبورة.باش ابدا اقري الدراري قدام المفتش .
اهما الدرادي بداو كيقولو :استاذ. استاذ
اهو اقولهم اشنو ياك ما الادارة محلولة .
اهما اقولو ليه لا راه المدير خارج.

* هادا واحد السيد كيدير النضاضر كيهضر مع صاحبو وتيحك عينيه من فوق النضاضر، يعني تيحك غير الزاج، ڭاليه صاحبو أصاحبي مالك على حالتك حيد النضاضر وعاد حك عينيك على خاطرك، جاوبو ڭاليه على أنت ملي كتحك قاعك عمر شي حد ڭاليك حيد السروال.

* واحد دخل لدارو باغي غير يجبد الصداع مع مرتو
ما لقى منين يشدها، شاف حتى عيا وهو يقول ليها: فين الغبرة اللي كانت فوق الطبلة؟
قالت ليه: علاش اشنو بغيتيها؟
قال ليها: كنت كاتب عليها النمرة ديال صاحبي.

نكت منقولة للامانة

واتمنى تنال اعجابكم

المصدر : منتديات ستار تايمز